IT Park Uzbekistan startaplarni GITEX AI Kazakhstan 2026’da ishtirok etishga taklif qiladi
IT Park Uzbekistan rezident startaplar va IT kompaniyalarni 2026-yil 4–5-may-kunlari Qozog‘istonning Olmaota shahrida bo‘lib o‘tadigan GITEX AI Kazakhstan 2026 xalqaro texnologiya va sun’iy intellekt tadbirida ishtirok etishga taklif qiladi
IT Park Uzbekistan rezident startaplar va IT kompaniyalarni 2026-yil 4–5-may-kunlari Qozog‘istonning Olmaota shahrida bo‘lib o‘tadigan GITEX AI Kazakhstan 2026 xalqaro texnologiya va sun’iy intellekt tadbirida ishtirok etishga taklif qiladi.
Mazkur tadbir global startaplar, investorlar, yirik kompaniyalar va texnologiya yetakchilarini birlashtiradi va ishtirokchilarga mahsulotlarini namoyish etish, mentorlik sessiyalarida qatnashish, B2B uchrashuvlar o‘tkazish hamda xalqaro hamkorlik aloqalarini kengaytirish imkonini beradi.
Dasturda mahsulot yoki yechimlarini jonli taqdim etishga tayyor bo‘lgan, shuningdek, mintaqaviy yoki xalqaro bozorga chiqishni maqsad qilgan startaplar va jamoalar ishtirok etishi mumkin.
IT Park Uzbekistan tomonidan ishtirokchilar uchun ko‘rgazma maydoni va promomateriallar xarajatlari qoplanadi. Shuningdek, investorlar, hamkorlar va korporativ tashkilotlar bilan aloqa o‘rnatishda ko‘mak beriladi hamda tadbir davomida maksimal darajada samarali ishtirok etish uchun zarur resurslar taqdim etiladi.
Shu bilan birga, startaplar safar, yashash va ovqatlanish bilan bog‘liq shaxsiy xarajatlarni mustaqil ravishda qoplaydi.
Arizalar 6-aprelga qadar qabul qilinadi. Ishtirok etish uchun maxsus ro‘yxatdan o‘tish shaklini to‘ldirish talab etiladi: