18–19-iyun kunlari Seulda bo‘lib o‘tgan Osiyoning yetakchi startap va innovatsiya konferensiyalaridan biri — Next Rise 2026 doirasida IT Park Uzbekistan O‘zbekistonning texnologik ekotizimini xalqaro maydonda namoyish etdi.

Select an Image

Tadbirda IT Park Uzbekistan boshchiligida O‘zbekistondan Unitlab, Smartup va OsonSoft o‘z mahsulotlari bilan ishtirok etdi. Shuningdek, IT Park Uzbekistan rezidenti bo‘lgan Koreyaning Prototie kompaniyasi UZINFOCOM bilan rasmiy hamkorlik doirasida DMED mahsulotini xalqaro auditoriyaga taqdim etdi. Ishtirokchilar o‘z yechimlarini xalqaro investorlar, korporatsiyalar hamda innovatsion ekotizim vakillariga namoyish qildi.

Konferensiya davomida delegatsiya SparkLabs Korea, KDB NextOne, Megazone / Amazon, LG Science Park va TCMP vakillari bilan uchrashuvlar o‘tkazib, strategik hamkorlik, akseleratsiya dasturlari, xalqaro bozorlarga chiqish hamda pilot loyihalarni yo‘lga qo‘yish masalalarini muhokama qildi.

Select an Image

OsonSoft ham pitching sessiyasida o‘z mahsulotini taqdim etib, yechimini investorlar, soha ekspertlari va ekotizim vakillariga namoyish qildi.

Next Rise 2026 O‘zbekistonning xalqaro texnologik maydondagi o‘sib borayotgan salohiyatini hamda mahalliy startaplarning global bozorlarga chiqish imkoniyatlarini yana bir bor namoyish etdi.